张兆辉专访｜谈借钱助彭发救病妻兼资助新戏：他是最有口齿的导演！ 张兆辉与彭发导演的缘份始于2013年电影《逃出生天》，其后先后合作《通灵之六世古宅》及《困兽》，近日在《空心人》再度碰头。之所以令辉哥一次又一次应邀，源于他看到彭发的另一面。外界多以为彭导严肃，辉哥却赞他私下搞笑；更重要的是，对方是他从影以来遇过最有口齿的导演。 《逃出生天》因片长等因素，彭导不得不安排辉哥在大火中提早牺牲，为此他相当抱歉，还向辉哥拍心口：「我保证下次唔会咁快死慨！你唔使死！」辉哥深明拍摄变数多，并未放在心上；谁知几年后突然接到彭发来电，他忆述：「佢话『辉哥，而家搵你拍戏，嗱，今次唔使死，做男一啦！』」该片于山西取景，二人相处近两个月，了解与默契亦与日俱增，「我觉得一个人可以有咁样慨承诺，唔容易啰，同埋未必个个会做到，但系渠系第一个做到。」 《空心人》属彭发最擅长的惊悚片，却是辉哥未曾挑战的戏种。今次他饰演典型香港基层爸爸，与王敏奕演两夫妻；儿子因故离开后二人忆子成狂，最后更以极端方式把儿子以公仔形式「重现」。故事同时带出夫妻与家人之间缺乏沟通的问题，引人共鸣。据悉辉哥今次亦有份参与出资，他谦称：「又唔可以讲系投资慨，即系精神上慨支持啦，大家都系想完成咗呢件事，我都话有咩嘢可以倾慨，最紧要就系渠又觉得呢个戏佢咁有信心。」当下香港影视业正值冰河期，就连大老板都「闩水喉」，此时掷钱开戏看似冒险，他却坦然道：「第一，唔系一份好大份慨数目，第二，你有一个咁样慨承诺俾我，我觉得你系一个好有义气慨朋友，唔系咁难得撞到呢啲咁样慨朋友。反正你都系会拍戏，亦想拍一啲好慨故事，冇乜分话多与少，最紧要我出咗点心，系咪呀？话唔定制作咗出嚟会有好好慨效果，最主要系想完成咗『佢好想拍呢一个故仔』件事，对我又系一个新慨尝试，咁咪一拍即合啰。同一个好好慨朋友去完成一件事，都可能系一个纪录呢！」 2022年底，彭发太太确诊肺癌，每月医药费动辄十万，偏偏他当时却没工开，最终不惜借了200万街数，无力偿还下险些走到破产与轻生边缘。神通广大的传媒早于法院门外「捕获」彭发申请破产，事件一夜传遍，幸好也有不少人伸出援手。除了有电影公司找他开工并垫支应急外，彭发亦特别点名多谢张兆辉夫妇及吴镇宇相助。辉哥对此坦言：「少少（钱）啦，呢啲亦都长贫难顾，每个人都有渠顺风、唔顺风；困难、唔困难慨时候，总之呢一刻你可以暂时纾缓到咪OK啰，我尽咗我朋友慨义务，亦都希望你可以好快脆经过呢个难关，咁你咪可以再嚟过啰。」 那场戏中，辉哥原本反对太太（王敏奕饰）找罗兰姐制作公仔作儿子替身，但久而久之连他也入了魔，他们找完罗兰姐后，终与公仔「一家团聚」。拍摄时，彭导在旁不断给出令人心悒至极的指示：「当时个角色就系好开心，终于一家人喺埋一齐，佢个样系开心，但系好凄凉，彭发导演就喺我侧边讲，『嗱，最后一眼，好珍惜喇！望多两眼，唔系就冇得睇㗎喇。」停机后辉哥拿纸巾抹眼泪，同时间亦见彭导在拭泪，他心想：「咦？导演都抹眼泪，咁即系场戏OK喎。」到放饭时，二人对坐扒饭盒，彭导终于缺堤诉心声：「佢话其实头先我真系好感触，唔怕话畀你听……呢个作品其实我谂住系一个遗作。我都打个突，点解会谂到咁样㗎？我唔觉你有咩Hints喎，可能嗰时因为渠太太已经系病重慨时候，变咗睇呢场戏慨时候，渠觉得我坐喺度好似系渠，咁佢咪会有感触，Touch到，有共鸣。所以渠先话『嗱，你见到一眼就见多一眼，你要珍惜身边慨人…』咁样，成日都会讲呢啲。」 彭导曾在访问中透露，面对困境时一度作最坏打算，想离开这个世界，他当时回应：「唔到你唔谂埋一边，所以你问好多人点解消极地了结自己，系唔到你唔谂，你问我有冇谂真系有谂过，因为真系冇办法，面对唔到。」辉哥追忆过往，才发现对方早有端倪，拍摄间有意无意向他说：「辉哥，好多谢你帮我留下一个美好光影、回忆。」当时他未有深究，只以为是完成作品的客套话。直至日后得悉其念头，才明白背后意思：「我以为渠意思系拍咗一套戏，有只碟喺度、有一个纪录，原来呢个已经系尾后慨结局，好在后尾冇呢件事发生。但系渠当时嗰一刻，渠亦都自己跳咗落去，所以可能渠觉得要话所有慨嘢畀人听，一个提示，就系大家要珍惜现在慨生活，珍惜现在慨朋友，总言之要珍惜身边慨家人咁样。」 辉哥婚后零绯闻，为多陪伴年纪尚轻的子女、不想错过其成长，他在2002年与TVB提前解约，打算叠埋心水放下幕前，全力支援太太做生意，他不讳言：「我其实系一个小男人嚟，如果我系女性嚟讲呢，我系一个好好慨家庭主妇。」在他看来，毋须强分男主外女主内，反而应按各自所长分配家庭岗位：「做生意我真系唔系好识嘛，我要去做呢一样嘢，系一个新尝试，咁佢系做开吖嘛，咁我咪听渠讲，跟渠慨节奏、跟渠慨步伐去行，我喺侧边可以做support，大家共同努力去做好呢一件事。」
