藝人張文慈前晚罕有現身無綫台慶，她說已有6、7年無出席過，笑言好多人問她同一問題，以為她已冇約，張文慈表示與無綫一直保持良好合作關係，前晚抱着敍舊及去派對心情出席，與陳煒、蔡國威聚首話當年十分開心。陳煒代表參與壓軸大獎成功勝出，因張文慈支持陳煒，有幸瓜分50萬簽脹額，開心陳煒帶給自己好運，表示會將部分獎金奉獻給教會，及會請陳煒食飯：「佢21號生日，會請佢食生日飯，同埋佢一票投了給汪明荃，好似畀咗啲Luck我咁，所以要請佢食飯答謝佢。」張文慈說當晚遇上譚俊彥，估不到譚俊彦有留意自己的視頻短片，給予鼓勵，「覺得努力原來有人睇到，好感動、窩心。」她與羅子溢曾合作劇集《木棘証人》演姊弟，她在社交平台上戴合照，勾起劇迷不少回憶殺。並大讚「細佬」愈來愈靚仔。
