AFC宣布推出亞洲國家聯賽亞洲足協（AFC）禮拜日宣布，將在未來數年內推出「亞洲國家聯賽」。無獨有偶，非洲足協亦於同一周末宣布，將自2029年起舉辦非洲國家聯賽- 兩者均將仿效歐洲國家聯賽模式。目前AFC最主要嘅國家隊賽事「亞洲盃」每四年一屆，下屆將於2027年1月在沙地阿拉伯舉行。為更持續地提升47個會員國嘅競技水平與商業收益，AFC決定引入呢項全新賽制。AFC指出，此新賽制係支持亞洲會員協會「持續發展嘅重要一步」，將喺國際比賽日引入系統性賽程以確保穩定性。此類賽事不僅能促進競爭平衡，其商業潛力亦獲合作夥伴關注，可為球迷、轉播機構等持份者提供更具市場價值嘅產品，而新賽制嘅具體細節與時間表將在後續討論後公布。不過外界有唔少聲音就持反對意見，包括東亞兩強都認為，呢個舉動會令佢哋減少咗同歐美勁旅約戰練兵嘅機會，反而會令球隊嘅競技水平下降。資料源自- beINSPORTS
