國際成為第六隊確定下季歐聯聯賽階段資格嘅球隊，之前五隊隊分別係阿仙奴、巴塞隆拿、皇家馬德里、拜仁慕尼黑同PSV燕豪芬。喺擊敗卡利亞里之後，比踢少一場排第二位嘅拿坡里多12分。

賽後當選最佳球員嘅巴里拉表示，而家佢好享受呢段時光，原本係希望呢種感覺能夠喺世界盃附加賽之前來到，但呢啲就係人生，佢將今日呢個入球獻俾加圖素，形容對方係自己喺足球界遇過最偉大嘅人之一，唔應該承受咁樣嘅失落，並且好高興曾經同佢並肩作戰。另外，佢入球後都顯示對舊球會嘅尊重。

廸維積、奧古斯圖都出任正選，二人賽後都不排除自己去向有各種可能性；迪馬高交出今季聯賽第16個助攻；施連斯基取得個人第50個意甲入波，係歷來意大利頂級聯賽入波最多嘅波蘭球員（排第二係入49球嘅米歷）；艾斯普薛圖兩兄弟同場競技。

柏利斯查繼續係卡利亞里嘅主要進攻突破點，尾段遷就薩柏，移去踢左邊。

意甲第33週賽事賽果-薩斯索羅2-1 科莫國際米蘭3-0 卡利亞里烏甸尼斯🆚帕爾瑪（稍後時間進行）拿坡里🆚拉素羅馬🆚亞特蘭大基蒙尼斯🆚拖連奴維羅納🆚AC米蘭比薩🆚熱拿亞祖雲達斯🆚博洛尼亞萊切🆚費倫天拿

Serie A國際米蘭 🇮🇹