香港探秘地圖｜倪嘉雯首擔重戲份興奮又緊張 與探秘小隊大擺趣怪樣. 《香港探秘地圖》昨晚（18日）首播，劇中飾演極度戀愛腦「王秀儀」嘅倪嘉雯（Carmen）一出場就被指遇鬼昏迷，獲黎耀祥飾演嘅玄學家莊一臣救醒，從此認定對方為救命恩人。唔少觀眾覺得劇情有趣，話會繼續追看。

日前Carmen喺社交平台分享同探秘小隊成員黎耀祥、龔嘉欣、丁子朗、孔德賢嘅幕後合照，見大家玩得好開心，大擺趣怪樣，其中仲有佢扮外星人嘅裝束，令人期待之後嘅劇情。

今次係Carmen入行以來首次擔正較重戲份，佢坦言又興奮又緊張，仲自認表現有待改善，公開呼籲觀眾留言或私訊直接指正：「大家睇嘅時候覺得有啲咩問題或者邊度做得唔好，請直接話我知🙏🏻盡管講🙏🏻留言或者DM我都可以，我未必覆得晒但係一定會睇到🙏🏻」TVB