周潤發71歲大壽與親友低調慶生 蛋糕藏心思祝「有氣有力」. 前日（18日）係周潤發（發哥）71歲生日，同往年一樣，發哥同太太陳薈蓮同身邊至愛親朋一齊食飯慶祝，溫馨度過生辰。發哥同發嫂喺生日蛋糕前合照，發嫂仲抱住可愛嘅小狗新寵兒。今年嘅生日蛋糕除咗有大小壽包之外，其中一個蛋糕仲寫上「唱好獅子山、跑勻維港灣；祝發哥有氣有力、身體健康」，認真有心思。發哥開心地許下生日願望，再合十祝願：「大家身體健康呀！」