比賽幾均勢，控球率差唔多係五十五十，埋門次數烏甸尼斯多4次，中目標次數各有6次。

烏甸尼斯左手邊踢得唔錯，由左中堅蘇列（Oumar Solet），到左翼衛夏辛尼卡馬拉（Hassane Kamara） 同偏左中場艾達，合作組織同聯繫做得幾好；荷蘭中場艾基倫甘（Jurgen Ekkelenkamp）係另一個表現得比較積極嘅球員。冇咩正中鋒可以選擇，烏甸尼斯喺中場佈置更多人手。

科莫由杜維卡斯踢中鋒，到踢無鋒陣，再到摩拉達入替，進攻配搭再三改變，但係都無太多具威脅埋門。

今個禮拜好似啲意大利球員都明白要特別加把勁，史卡雲尼同拉斯柏杜尼都有波入。黑山前鋒卡斯度域倒戈入波，並且有6次埋門係全場最多。史卡雲尼今季聯賽入到第三球，係佢暫時入球最多嘅一季。季後離隊可能性似乎越來越大，不過艾達臣比賽嘅積極性同態度仍然保持得非常好。

萊切係今季意甲入波最少嘅球隊，前鋒捷迪拿（Walid Cheddira） 今場一次埋門機會都冇。

另一位意大利球員入波，普列坦奴為拿坡里一箭定江山，升上聯賽榜第二位。而拿坡里係今季意甲唯一一隊聯賽主場未輸過嘅球隊。

基奧雲尼（Giovane Santana Do Nascimento）喺前線嘅走位配合，效果好咗，另一位巴西人艾利臣山度士（Alisson Santos）入替後喺左手邊都有唔錯嘅突破。球隊三位中堅都係左腳比較擅長，呢種情況比較少見。

意甲第31週賽事賽果-薩斯索羅2-1 卡利亞里維羅納0-1 費倫天拿拉素1-1 帕爾瑪基蒙尼斯1-2 博洛尼亞比薩0-1 拖連奴國際米蘭5-2 羅馬烏甸尼斯0-0 科莫萊切0-3 亞特蘭大祖雲達斯2-0 熱拿亞拿坡里1-0 AC米蘭

Serie A意甲 🇮🇹意大利要爭番啖氣💪