喺上週波斯尼亞主場對意大利嘅世界盃QF附加賽，有傳意軍鋼門唐納勞瑪嘅救12碼提示紙仔不翼而飛，一名波國拾球童自爆係自己所為。該場最終由波斯尼亞互射12碼獲勝嘅附加賽，從來擅救12碼嘅唐納勞瑪（Gianluigi Donnarumma）未能救出任何一球，有傳佢本來準備好救12碼嘅提示紙，喺關鍵時刻遺失。

一名叫施密嘅波斯尼亞拾球童，日前接受當地電視台訪問時承認盜去有關提示紙：「我睇到毛巾旁邊有d嘢，立即知道係咩嘞。我將佢攞走並收藏起身。果張紙寫咗我哋球員所有嘅射球方向提示，冇果張紙，佢就只可以可憑直覺救波。」

此話公開後，有波斯尼亞球迷呼籲國家大軍該帶同佢前赴決賽周，擔任球隊嘅「吉祥物」。