安察洛堤無緣執教意大利，將與巴西國家隊將續約至 2030 年。🇧🇷

根據南美方面嘅消息指出，安察洛堤（Carlo Ancelotti） 即將與巴西國家隊續約，呢個亦都正式排除佢接替加圖素（Gennaro Gattuso）出任家鄉球隊意大利國家隊主教練嘅可能性。

「肥安」自2025年5月結束喺皇家馬德里嘅第二次任期後接掌「森巴軍團」（Selecao），執教至今將近一年，而佢最初簽署嘅合約期至 2026 年世界盃結束為止。然而，根據巴西 ESPN 嘅最新報導，巴西足協與「肥安」已達成口頭協議，將合約再延長四年，直到 2030年夏天。

ESPN 暗示安察洛堤可能會喺未來幾天內正式簽署合約，週二嘅報導聲稱，巴西足協已於本週初敲定咗新合約嘅細節，目前僅欠缺教練嘅簽署及最後嘅法律審核。相關細節已獲得共識，巴西足協認為安察洛堤律師團隊嘅最終審查僅屬程序性質。

據悉「肥安」 將維持現有薪酬，呢個意味著佢仍將係巴西國家隊史上薪酬最高嘅教練。據報佢嘅年薪約為 1,000 萬歐元，且未包括獎金。

隨著加圖素嘅離任，此舉也宣告安察洛堤退出意大利國家隊主教練嘅候選行列。最新消息顯示，目前接任嘅熱門人選為現任拿坡里教練干地（Antonio Conte） 以及AC米蘭嘅艾歷尼（Massimiliano Allegri）。

Ancelotti Brazil Selecao Italy Gattuso Conte Allegri Football WorldCup2030