【On.cc】農夫親解古天樂做幕後老闆真相　還原合作來龍去脈

組合農夫一連三場的《全香港最好笑嘅演唱會》尾場今日（10日）假紅館舉行，獲佘詩曼、張家輝、關詠荷、炎明熹、陳柏宇等到場支持，C君及陸永表示時隔16年再次踏上紅館，笑言票價「抗通漲」，與當年票價仍一樣，口才了得的兩人感謝多年來支持的粉絲外，又與多位台下觀眾有趣互動，場面搞笑，之後更分別有麥玲玲、Pet Pet Shawn、Novel Fergus及張繼聰等繼前兩場後再次出場合唱。

農夫紅館騷尾場。

張家輝與關詠荷現身睇騷。

麥玲玲繼續擔任嘉賓。

張繼聰亦是常設嘉賓之一。

而當農夫唱《學海無涯》時，組合JFFT驚喜從舞台中升出並合唱，C君表示找他們擔任嘉賓除了因為投契外，更分享與成員「翼Sir」多年前的緣份：「佢16年前參加咗我哋紅館嘅和音選拔賽，我哋Foul咗佢，所以想同佢講，有啲結果係要等16年先等到！」

騷後兩人受訪，談到時隔16年開紅館騷只有三場，兩人表示已經很滿足，笑言16年前只有1場，現在已經是3倍，而尾場由於適逢母親節，特意設於下午開騷，令觀眾可以完騷後陪伴母親，亦很開心有部分粉絲帶同媽媽到場，而兩人的太太及母親亦有到場支持，透露一陣會去食飯，並笑言：「主辦方請客，一次過慶功同慶祝母親節。」

提到昨晚由古天樂擔任嘉賓，兩人表示知道他很忙，特意在活動完結後趕來參與，因此很感激他，談到昨晚大爆古天樂為他們公司「農作天下」幕後老闆的秘密，陸永就表示：「又唔係秘密嘅，我哋冇特登收埋，但係又無人問，而且都唔係依家嘅事，其實都差唔多二年前傾，到舊年先成立」，C君亦補充：「我哋嗰陣啱啱完經理人約，諗住自己開公司，咁project梗係希望有人投資，所以就慢慢諗吓個架構。」

JFFT與農夫合唱《學海無涯》。

尾場撞正母親節，特意提早開騷。

農夫坦言沒有刻意隱瞞古天樂投資其公司一事。

雙方由兩年前開始洽談，終在去年成事。