西班牙名將柏度喺拉素對比薩嘅最後一輪意甲比賽當選最佳球員，並且結束喺拉素嘅歷程。

柏度喺訪問中提到曾經有嘗試游說一啲舊隊友嚟拉素效力，當中甚至包括美斯，但係佢都話顯然並唔容易，另外就係佐迪艾巴、廸基亞，尤其係當佢哋係自由身嘅時候，仲有同沙利提過巴查同大衛路爾斯。

被問到如果想同一啲前拉素球員合作，會揀邊一位？柏度話高路斯，因為佢真係一位一流嘅前鋒，兼且喺拉素呢度好多人仍然提及佢嘅態度同極為出色嘅專業精神，另外仲有華朗。

柏度形容沙利係除咗哥迪奧拿之外，最出色嘅教練，當然哥迪奧拿係喺佢好年青時俾佢好多信心，並且提供上陣機會，另外除咗沙利，巴朗尼都係好謙遜嘅人，至於杜陀就好有個性同會好好準備。

訪問者問到想邊位球員喺拉素盡可能長時間效力，柏度表示路維拿、薩簡尼、泰萊，另外仲有柏特歷、馬路錫同卡達廸幾位隊長或者比較有資歷嘅隊員。🦅