恭喜水晶宮首次取得歐洲賽冠軍🏆🔴🔵

原本佢哋奪得上屆足總盃冠軍嘅身份係可以出戰歐霸，但係同里昂之間因為班主共同擁有權問題，而被迫轉戰協會聯賽，到頭來捧走冠軍，來季亦因此終於可以參加歐霸。水晶宮亦都成為繼阿仙奴之後，下季第二隊取得歐洲賽資格嘅倫敦球會。

今場無上陣嘅賓倫莊遜連續兩季取得歐洲賽冠軍，上季就協助熱刺成為歐霸盟主。基斯李察士有點傷冇上陣，水晶宮後防嘅穩定性稍為打折扣，簡獲特（Jaydee Canvot）嘅表現係比較失準。佳士拿同鎌田 大地繼協助法蘭克福 2022 取得歐霸冠軍之後，再度合作成為歐洲盟主。中場球員獲頓（Adam Wharton），賽後就會選為決賽最佳球員。

華歷簡奴嘅針對性部署做得唔錯，特別係一對邊路中場廸富圖斯（Jorge De Frutos）同艾華路加西亞（Álvaro García）追纏對方嘅一對翼衛，幾大程度地限制對手邊路側擊，但係中路防守就稍為失色。以佢哋嘅人腳同資源，可以晉身決賽都絕對唔簡單。

協會聯賽可以提供一個舞台，俾平時關注度相對較低嘅球隊成為歐洲賽嘅主角。👍

UEFA Europa Conference LeagueFinalLeipzigCrystal Palace