【On.cc】陳錦鴻自爆帶14歲兒子立平安紙　家產畀晒老婆

藝人陳錦鴻今日（9日）現身荃灣錄製節目，節目內容有關生死話題，由敖嘉年及鄭家成擔任主持，受訪時陳錦鴻透露早已向兒子進行生死教育，又自爆數年前已帶同當時14歲的兒子去立下平安紙：「我就同佢講，我啲嘢寫晒畀你阿媽，唔係唔想畀你，因為你仲未大個，如果我死咗之後，你哋就好好生活，唔使記掛我。（個仔咩反應？）佢好滿意，好OK。」

提到陳錦鴻近來頻頻登台演出，他笑言自己是偏偶像派的歌手，不過唱來唱去只有幾首歌，直言現在兒子長大了，即將有工作能力，而自己也出來賺錢養妻活兒，令整個家庭生活更好，陳錦鴻又表示一向不抗拒演出，一直保持最佳狀態，歡迎各位導演或製作公司邀請自己演出，並笑言自己訓練有素，相當「捱得」！

至於提到有網民大讚他身材保養得宜，他直言自己怕死亡，才要好好管理健康，透露自己每日花費2小時做運動，令自己的身體在氣力、柔韌度及肌肉方面保持健康，笑言自己今年60歲，可能到70歲就要每日做4小時運動，至於自律的原因，他就表示：「唔係因為貪靚，其實我係唔希望我個仔要照顧我，同埋我阿媽仲未離開，我要好好管理身體令佢唔使擔心，如果我阿媽唔喺度，我就可以放縱少少啦。」

陳錦鴻Keep得幾好。

齊齊受訪。

同敖嘉年好Friend！

自言怕死。

家產畀晒老婆。