【On.cc】楊茜堯超短髮示人　身體不適突然失聲　

無綫新劇《模範律師團》昨日（14日）在深圳舉行開鏡拜神儀式，總監製鍾澍佳率主演楊茜堯、羅嘉良（撈家）、陳煒、張曦雯、劉佩玥、滕麗名及何廣沛等出席。

鍾澍佳透露《模》劇正是《正義女神》的衍生劇，講到今次的班底，他稱早於兩年前的台慶頒獎禮後已斟撈家回巢拍劇：「我當時叫佢等我一陣，等咗兩年終於寫好劇本。」又特別提到多年前在《難兄難弟》中曾跟滕麗名合作，由於對方有處境劇《愛·回家之開心速遞》在身，一直很難度期，剛好《愛》劇快將大結局，他即時搶頭啖湯邀對方合作。

撈家繼《與諜同謀》後相隔近10年再拍無綫劇，他在活動上透露在劇中飾演大律師，角色複雜，大讚劇本寫得好及故事震撼。劇中由滕麗名飾演其太太，他笑言三生有幸。至於茜堯剪了一頭超短髮示人，加上失聲，她笑言：「睇我後面係男人，把聲都係。」

兩人受訪時，提到失聲，茜堯解釋身體並沒有不舒服：「我只係突然失聲，可能我開工前喺屋企食咗龍眼有少少上火，已經食消炎丸同開聲藥，好在暫時未有法庭戲。」撈家表示兩人曾在劇集《衛斯理》及《流金歲月》中，今次相隔23年再合作，他指兩人原有機會在《與諜同謀》中結緣，惜當時茜堯離巢無綫及懷孕而錯過合作機會。撈家指茜堯的角色有突破且難度高，但相信對方一定做得到，講到劇中陰盛陽衰，他跟多位女演員也有對手戲，可謂艷福無邊，他否認：「劇中唔係艷福無邊，係好大鑊。」但現實中他開心跟多女演員合作，當中不少是從未合作過，跟滕麗名更是繼1997年的《難兄難弟》後再合作，相信會得好玩。

茜堯對劇中內容三緘其口，只透露她飾演撈家徒弟，對方改變其一生：「角色內心戲好多，唔同階段有唔同轉變，要花心思去諗。」問到是否監製要求剪短髮？她稱剛好相反：「佢想我留長頭髮，但同劇個個女演員都係長頭髮，所以我想唔一樣。（你撞樣袁潔瑩。）真係？都好，係靚女。（老公羅子溢對你新髮型有冇好驚喜？）佢冇，我個仔就有，佢見到我剪短咗頭髮，佢話：『剪到咁。』我問佢以前靚定依家靚？佢好圓滑，佢話以前好靚、依家都好靚。」至於老公最近也在拍劇，她稱對方差不多殺青，稍後會帶小朋友到內地探她班順便見見撈家，但自己太忙拍劇未必有時間陪小朋友，問到會否感愧疚？她坦言：「我依家賺錢，但都會抽少少假期。」撈家就指自己女兒今年13歲，已經很獨立，可以獨自乘飛機由英國回港。另外，提到鍾景輝與陳敏兒近日相繼離世，他讚鍾景輝貢獻大，是他很佩服的前輩，望兩人一路走好。

羅嘉良與楊茜堯擦出火花。

羅嘉良與楊茜堯劇中大鬥演技。

羅嘉良狀態大勇。

楊茜堯直豎拇指。

楊茜堯短髮示人。

羅嘉良實力擔當。

人才濟濟。