▪️德國事隔十二年來首次喺世界盃首場賽事贏波！

繼1990、2002、2014後，佢哋能夠再於首戰告捷，有趣嘅係呢d年份都係農曆馬年，睇嚟又多咗份「參考資料」。對比上一屆，德國陣容裡面只有七位球員有世界盃決賽週嘅經驗，當中五位作為主力。比賽嘅參考價值唔算大，實力高一班嘅情況下，拿高士文佈置嘅戰術同機動性踢法都令對手防線嘅壓力空前巨大，全場高達19次埋門12次中目標。7粒入波來自六位唔同嘅球員，夏維斯更加梅開二度，大勝過後佢哋可以用更輕鬆嘅心態迎接下一個分組賽對手。

世界盃初哥嘅庫拉索應該講交足學費，六支中北美及加勒比海地區球隊來講，佢哋係球風相對偏軟嘅一隊。除咗領隊艾禾卡之外，其餘球員都基本冇世界性大賽經驗。喺瑞士搵食嘅高文倫西亞（Livano Comenencia）攻入佢哋喺世界盃史上嘅第一粒入波，更加一度追和四屆冠軍嘅德國，已經係一個紀錄。值得斟酌嘅係陳達毅今仗被安排到MC位置，非熟悉嘅邊鋒，表現多少都有一定影響。

▪️好睇嘅戲有時係需要有啲耐性嘅 ！荷蘭兩個入波都中柱入，日本兩個入波都有自己人改變方向。

荷上半場大家都小心翼翼，保守謹慎、嚴陣以待。雲戴克2026年真係多波入，英超入咗六球、國家隊入兩球，累積國際賽有13 個入波，係歷來荷蘭入波第二多嘅後衛；最近先獲得起用嘅森馬維（Crysencio Summerville）取得第一個國際賽入波。荷蘭對上一次喺世界盃決賽周法定時間（唔計互射十二碼）輸波係2010年嘅決賽 。鈴木 彩艷今場嘅撲救做得唔錯，伊東 純也同中村 敬斗係兩個日本最搶鏡嘅進攻球員！日本喺賽後有特別展示因傷無緣決賽週嘅國家隊隊長遠藤 航嘅波衫… 🫡

世界盃分組賽賽事賽果-Group E德國🇩🇪7-1 🇨🇼庫拉索科特迪瓦🇨🇮🆚🇪🇨厄瓜多爾（比賽進行中0-0）

Group F荷蘭🇳🇱2-2 🇯🇵日本瑞典🇸🇪🆚🇹🇳突尼西亞（稍後時間進行）

FIFA World Cup 2026🇺🇸🇨🇦🇲🇽 德国球迷俱乐部荷兰球迷俱乐部世界盃分組賽日本球迷俱乐部