【娛樂新聞】陶大宇秘婚後攜妻現身吉隆坡 恩愛互動首度同框.「師奶殺手」陶大宇近日前往馬來西亞吉隆坡，出席第四屆「香江夜·南洋情」慈善演唱會。今次行程最受關注嘅，係佢與去年秘密結婚嘅太太家儀罕有公開同框，令外界首次見到呢對低調夫妻嘅甜蜜互動。

現年62歲嘅陶大宇，曾憑《刑事偵緝檔案》等經典劇集紅極一時，被封為「師奶殺手」。佢與曾任職傳媒高層嘅家儀自2008年開始低調交往，感情長跑超過十年。直至去年，資深藝人林建明喺節目中意外踢爆家儀「升呢」為「陶太」，才令秘婚消息曝光。

今次吉隆坡之行，陶大宇主要為慈善獻唱。從網上流傳嘅照片所見，佢身穿花襯衫，雖然兩鬢微白，但精神飽滿；太太家儀則一身低調黑衣，靜靜陪伴左右。兩人合照時，家儀自然挽住老公手臂，輕輕將頭靠向佢，笑容甜蜜，流露踏實嘅幸福感。TVB