網民批藝人唔捐錢？吳業坤称聲音可過濾 胡諾言：唔好在意咁多關楚耀放棄玩錶心頭好 積極為造人作準備.吳業坤、胡諾言和關楚耀27日現身黃埔出席《星聲送暖·愛心音樂分享會》，將用歌聲為大埔宏福苑災民傳遞溫暖，及為受影響居民同社區送上祝福，唱出正能量。胡諾言接受訪問時表示：「我好希望能夠將一啲歡樂帶畀大家，明白到大家都經歷過一個唔係好開心事件，加上又嚟緊新嘅一年，希望我哋幾個歌星朋友，一齊用歌聲同遊戲，將正能量送畀大家。」吳業坤表示：「其實當時睇到新聞報道係好難以置信，之後知道好多人離世，好痛心，我一直都有關注事情嘅進展。太太事後都有去現場獻花悼念遇難者，而我因為工作就陪唔到佢去。」關楚耀表示：「明白佢哋失去家人嘅苦況，佢哋係需要時間去面對，亦需要時間去沖淡，亦好多議好多慈善團體幫手，而我覺得香港人係好有愛心會有好嘅捐贈同善款，感覺就係一方有難，大家都會出嚟幫手，呢樣令我好感動。」對於有網民留言狠批部分藝人沒有為災民捐錢伸出援手，吳業坤表示：「其實好多演藝界嘅人捐咗錢都唔會同人講，而我覺得網上嘅聲音係可以過濾唔使理。」胡諾言就表示：「網上嘅嘢就唔好在意咁多，我覺得香港應該諗返啲關心嘅嘢。其實我覺得捐唔捐錢就唔好用錢去衡量，不論藝人也好，有時候用一啲行動可以去支持。例如我同關楚耀好鍾意做運動，我哋都會係社交平台出Po，而呢啲嘢都係一啲正能量嘅嘢，因為運動係能夠讓負而情緒改變，我相信都好多藝人都做緊呢樣嘢，而唔係話捐咗幾多錢，而係我哋做得幾多，就量力而為去做。」關楚耀與拍拖約6年的網紅女友Joann，在2023年5月20日於泰國求婚成功，之後於同年11月30日註冊結婚，在社交平台以「Officially Mr & Mrs Kwan」宣佈升呢做人夫，被封「關生關太」。婚後成為人夫的關楚耀，近年積極向商界發展，曾豪擲7位數投資醫學美容及止汗中心。被問到有否造人大計？關楚耀表示：「其實我同太太同我屋企人都準備緊，至於生幾多個，自己都係隨緣，最緊要屋企人都開開心心，因為有呢個計劃，我都要放棄玩錶，而家要積極搵定奶粉錢先。」TVB
